𝐈𝐦𝐢𝐬𝐚 𝐚𝐟𝐠𝐞𝐦𝐛𝐢 𝐚𝐲𝐚𝐚 𝐤𝐚 𝐝𝐡𝐚𝐜𝐚𝐲 𝐀𝐟𝐫𝐢𝐤𝐚?Ugu yaraan 242 afgambi oo millatari oo guulaystay oo caalamka ka dhacay tan iyo 1950kii, Afrika ayaa ah tiradii ugu badnayd oo 106 ah.Iyadoo lagu salaynayo xogta ay soo aruuriyeen cilmi-baarayaasha Mareykanka ah Jonathan M Powell iyo Clayton L Thyne, ugu yaraan 45 ka mid ah 54-ta waddan ee qaaradda Afrika ayaa la kulmay ugu yaraan hal isku day oo afgambi ah tan iyo 1950kii. Waxaa u dambeeyay afgambi ay maanta shaaciyeen militariga Gabon, oo meesha looga saaray xukunkii 50 sanno ee qoyska reer Bongo. 𝐈𝐧𝐪𝐢𝐥𝐚𝐚𝐛𝐲𝐚𝐝𝐢𝐢 𝐥𝐚𝐠𝐮 𝐠𝐮𝐮𝐥𝐚𝐲𝐬𝐭𝐚𝐲 𝐬𝐚𝐧𝐧𝐚𝐝𝐢𝐡𝐢𝐢 𝐮 𝐝𝐚𝐦𝐛𝐞𝐞𝐲𝐚𝐲;𝐍𝐢𝐠𝐞𝐫: July 26, 2023, Madaxweyne Bazoum waxaa afgambiyay militariga.𝐁𝐮𝐫𝐤𝐢𝐧𝐚 𝐅𝐚𝐬𝐨: Bishii Janaayo 2022, ciidamada Burkina Faso waxay xilka ka qaadeen Madaxweyne Roch Kabore, iyagoo ku eedeeyay inuu ku guul dareystay inuu xakameeyo rabshadaha ay geystaan xagjiriinta. Bishii September ee sanadkaas, waxaa dhacay afgambi labaad oo uu sameeyay Captain Ibrahim Traoré kaasoo si qasab ah xilka uga tuuray Paul Henri-Damiba.𝐆𝐮𝐢𝐧𝐞𝐚: September 2021, taliyaha ciidamada gaarka ah Col. Mamady Doumbouya ayaa afgambiyay madaxweyne Alpha Conde. Sannad ka hor, Conde waxa uu u beddelay dastuurka si uu u hareer maro xadkii ka hor istaagi lahaa inuu mar saddexaad isu soo sharaxo, taasoo dhalisay rabshado baahsan.𝐂𝐡𝐚𝐝: Bishii April 2021, ciidamada Chad ayaa xukunka la wareegay ka dib markii madaxweyne Idriss Deby lagu dilay goobta dagaalka isagoo booqanaya ciidamo la dagaallamaya mucaaradka waqooyiga.𝐌𝐚𝐥𝐢: Bishii Agoosto 2020, koox ka mid ah kornaylada Mali waxay xilka ka qaadeen Madaxweyne Ibrahim Boubacar Keita. Inqilaabku waxa uu daba socday mudaaharaadyo dawladda lagaga soo horjeeday oo lagu diiddanaa ammaanka sii xumaanaya. Sagaal bilood ka dib, waxaa dhacay afgambi iska caabin ah, iyadoo Assimi Goita, oo loo magacaabay madaxweyne ku xigeen kii kowaad, uu hoggaaminayay kii labaad oo noqday madaxa dawladda.𝐒𝐮𝐝𝐚𝐧: Bishii Oktoobar 2021, General Abdel Fattah al-Burhan ayaa hogaaminayay la wareegida militariga ee Khartoum, isaga oo kala diray golihii talada hayay kaas oo ciidamada iyo rayidka ay ku wadaageen awooda dalka islamarkaana ku tuuray isbadalkii dimoqraadiyada ee dalka jahwareer.